صور من حياتنا

Wednesday, July 29, 2009

بلد بتاعت أوتوبيسات صحيح

دى صوره لقيتها ع النت
مش عارف اقول ايه بس
ياترى هيجى اليوم اللى يتلغى
المنظر دا من مصر
ياريت مانشفوش تانى
اعتقد ان كلنا نتمنى كدا

ولاتعليق

Monday, September 15, 2008

عسكر فى المعسكر

طبعا كلنا شايفين العساكر اللى فى الصوره

اللى معمول عليهم الدايرده دول

المهم انا مش هقول حاجه

غير

لاتعليق

Thursday, July 17, 2008

النهارده وانا فى كافى شوب
كنت ناوى اشرب حاجه بقى انا وصحابى
حوالى الساعه 1 الظهرعشان الجو مكنش لطيف يعنى
روحت طلبت الاوردر فلقيت طفل صغير
بيوزع ورق ضغير علشان نقرأ فيه
هى حاجات اسلاميه بس منظر الولد مش عجبنى
المهم
مكنشى معايا كاميرا اصوره
قلت لازم اكتب عنه وكالعاده روحت اشوف صوره
تعبر عن كده
لقيت صوره بجد معبره اوووووى
فيها موضوعين فى بعض الصوره احسن مليون مره من تعليقى
عاوز اى حد يدخل يعلق على الصوره ويدخل يقول ايه رأيه فى الموضوعين اللى فى الصوره
القضيه الاولى
الاطفال اللى فى السن ده هل ده فعلا مكانهم الحقيقى ولا ايه ؟
القضيه التانيه
اصرار الطفله دى ايه بالظبط خارج منين ؟

Saturday, October 13, 2007

اوعى المصلية

حاجة غريبة

شوفتها

مش عارف اقول عليها ايه

شوف انت بقا

Sunday, September 30, 2007

مين قال ان الشغل عيب

نموذج للشاب المصرى

اللى بيجرى ورا لقمة العيش

انا مااعتقدش ان الشغلة دى كفيلة انها تفتح بيت

ولا ايه رايكم

بالذات يعنى

ان الشعب المصرى بقا يلمع الجزم فى البيت

قبل ماينزلش

Monday, September 17, 2007

على اول الطريق الزراعى

وانا ماشى على الطريق الزراعى
قبلتنى عربية
مشحونة اوى مليانة اوى
كان فيها ناس كتييييير
رايحين فين دول دا اكترهم لسة صغار
ممممممم
رايحين شكله ولا حاجة
رايحين فين بالظبط
بس على فكرة دول برده تقريبا
رايحين
يجمعوا قطن من حتة معينه
اصلهم
كدا
ايام القطن هوة اللى بتلاقى فى الارياف
العربيات مليانةعيال
زى كدا

Friday, September 7, 2007

هوة ايه دا

انا بقا مش عارف

اعلق على دا اقول ايه

يعنى صاحب العمارة خايف على باب الاسانسير

ولا ايه بالظبط معرفشى انا

حاجة غريبة دى بجد والله

ملفتة للنظر

على فكرة لما تلاقى كدا

يبقى انت

اكيد فى مصر

يعنى هوة فى غيرها

Monday, September 3, 2007

البحر بيضحكلى وانا نازلة ادلع املى القلل

البلد دى

المية مش واصلة عندهم راح

بيشتروا المية من عربيات بتمر عليهم بمية

والله اعلم مصدرها

فالناس بيشتروا مية يشربوها

بس مابيشتروش مية يغسلوا منها

فبيستسهلوا ويملوا من الترعة

عشان يغسلوا منها

والله ربنا يكون فى العون

وتعالوا بقا شوفوا الست دى

اللى بتملى من الترعة

وبتغنى البحر بيضحكلى وانا نازلة ادلع

املى القلل

Monday, August 27, 2007

طب ايه دول

على الرصيف

يجلس هؤلاء

لماذا

صورة لافتة للنظر برده

ليه يقعدوا القعدة دى فى الشارع كدا

وعلى الارض كمان

يمكن كانوا مستنيين الاتوبيس

مممممممممممممم

ممكن

Sunday, August 26, 2007

الشعب الطابوجى

المحروسة واهاليها.....

......بهية وابناءها

طبعا اهالى مصر مشهورة بانها شعب

طابورجى

حياته كلها طوابير طوابير

ودا كان احد الطوابير

اللى تخش فيها متطلعش غير

لما تكون حاجة منك ناقصة

زى فى فيلم بلية ودماغه العالية لهنيدى وهوة بيجيب النتيجة كل شوية يدخل يطلع بحاجة ناقصة

الطابو دا نفس النظام

طابور عيش الغلابة

طبعا

اللى الواحد

بيصحى من الفجر عشان يحجز مكانه فى الطابور

وفى الاخر يشترى عيش

غير صالح

للاستخدام الآدمى

لكى الله يامصر

ودا كانت صورة من الواقع

واحد افران العيش

Friday, August 24, 2007

لو انت مطرب وعاوز تبقى مشهور اسمع الكلام

مطرب العاصمة

مطرب السميعة الحلوين

والله هى فكرة

للموهوبين

اللى مش لاقين فرصة

طريقة جديدة عشان

تخلى الناس تسمع صوتك الجميل

امشى بعربية

وبيع خضار

وغنى

الخضار الخضار الخضار

يلا

هى بقت كدا خلاص

Thursday, August 23, 2007

الدكتور بتاع كله

نفسى اعرف

عمركم شفتوا

دكتور لجميع التخصصات

اللى موجود

دكتور نساء وتوليد

او دكتور اطفال

او دكتور جراحة عامة

اما دكتور جامع بين الكل

يمكن

قتانون جديد ولا ايه

معرفشى انا

دا بقا الدكتور اللى

بيقول على نفسه

انا بتاع كله

Wednesday, August 22, 2007

غسيل الهدوم قصدى الاطباق

انا اسمع عن ناس بتغسل هدوم

تغسل اموال

تغسل ايديها

تغسل وشها

بس تغسل اطباق

دى جديدة دى

ولا ايه