اسف ع التاخير
النهارده وانا فى كافى شوب
كنت ناوى اشرب حاجه بقى انا وصحابى
حوالى الساعه 1 الظهرعشان الجو مكنش لطيف يعنى
روحت طلبت الاوردر فلقيت طفل صغير
بيوزع ورق ضغير علشان نقرأ فيه
هى حاجات اسلاميه بس منظر الولد مش عجبنى
المهم
مكنشى معايا كاميرا اصوره
قلت لازم اكتب عنه وكالعاده روحت اشوف صوره
تعبر عن كده
لقيت صوره بجد معبره اوووووى
فيها موضوعين فى بعض الصوره احسن مليون مره من تعليقى
عاوز اى حد يدخل يعلق على الصوره ويدخل يقول ايه رأيه فى الموضوعين اللى فى الصوره
القضيه الاولى
الاطفال اللى فى السن ده هل ده فعلا مكانهم الحقيقى ولا ايه ؟
القضيه التانيه
اصرار الطفله دى ايه بالظبط خارج منين ؟
6 comments:
السلام عليكم
دى اول زياره ليا فى المدونه المباركه دى
جميله فعلا ماشاء الله ومواضيعها جميله ومؤلمه
بالنسبه للصوره دى فده منظر بنشوفه كتير وللاسف مش بنتوقف عنده
بنكمل سيرنا وكاننا لم نرى شئ
الطفله دى مفروض تاخد جايزه والدوله تكرمها على اصرارها انها تتعلم وتبقى حاجه
اما بسؤالك هل ده مكانها فطبعا لا.. مكانها فى بيتها عالسرير او المكتب بتذاكر والحاجه تجيلها لحد عندها
لكن العيب فينا احنا اللى مفيش عندنا تكافل اجتماعى كله بيقول يالا نفسى
فين ايام الصحابه لما كان المجتمع كله شايل بعضه
يارب ارحمنا
فيه كلام كتير اوى محتاج يتقال لكنى طولت
جزاك الله خيرا على الموضوع المؤلم ده
ياااااااااه
صعبة الصورة دي اوي
الاصرار ده يمكن يكون نابع من طفولتها البريئة قبل ما يلوثها المجتمع
ممكن يكون نابع من ايمانها بانها ممكن تكون احسن
ممكن حاجات كتير اوي بس يا رب تقدر تكمل في المجتمع ده و ماتتدهسش زي الباقي
تحياتي
الصورة مؤثرة فعلا ...
لكن للأسف كل يوم بتمر علينا صور اشد تأثيرا..
بدءا باشارات المرور وبوابات المساجد وانتهاء بافتراش الطرقات في الشوارع ..
بجد ربنا يكون في عون الأطفال دي ..
قد ايه بتضيع أيامهم ومابيحسوش بمعنى الطفولة ...
قد ايه بيفرض عليهم تحمل المسؤولية في وقت مش مفترض انهم يدركو معنى الكلمة أساسا...
قد ايه طفلة صغيرة زي دي .. ممكن تحسسنا بصغرنا قدامها ..
ممكن تقعد اسبوع عشان تجيب 100 جنيه ..
في الوقت اللي ممكن في أقل خروجه الواحد بيخرجها يصرف ال100 دي من دون حتى تفكير ...
...
بجد ...
ما قدروا الطفولة حق قدرها فأغتالوها في مهدها
ربنا يقويهم .. ويهدينا ...
.......
خارج التعليق :
البلوج جميل .. والفكرة حلوة ..
كل تقديري ..
انا مش هعلق علي الصوره
انا بس هقول السؤال اللي سألته لنفسي لما شفت ست مش معاها فلوس تجيب الدوا بتاعها
هو عارف انه هيتحاسب عن الناس دي؟؟؟
طبعا بحيك جدا على التقاطك للصورة كن عايزة اقولك حاجة انا شفت المنظر ده كتير جدا فى وسط البلد وتقريبا فى حد بيتاجر بالاطفال دول ويخليهم يبيعوا حاجات ويعملوا نفسهم بيذاكروا
اصلى صعب على طفل منهم وقلت يا عينى بيذاكر وبيشتغل فى السن ده وبعدين اتمشيت شوية لقيت غيره وغيره فعرفت ان الموضوع مش موضوع اصرار على انه يتعلم
لكن طبعا فى اطفال كتير ده املهم وطموحهم فى الحياة
بحيك لتانى مرة على الصورة وعلى البوست اللى بتناقش فيه القضايا التى تهم المجتمع
احب اشكركم جميعا
على ارائكم الجميله
وتفاعلكم مع البوست
بجد اسعدنى وجودكم
Post a Comment